Göngumenn sóttir á snjóbíl

Björgunarsveitarmenn eru að undirbúa för snjóbíla upp á Öræfajökul til að sækja þangað þrjá gönguskíðamenn. Björgunarsveitir voru komnar að jökuljaðrinum og höfðu skoðað aðstæður, að sögn lögreglunnar á Höfn.

Gönguskíðamennirnir eru á Snæbreið við Tjaldskarð norðaustur af Hvannadalshnjúk á Öræfajökli. Stysta leiðin á staðinn er upp Skálafellsjökul en einnig er hægt að komast frá Breiðamerkurjökli. Lögreglan taldi að farið yrði upp Breiðamerkurjökul.

Í Tjaldskarði er hvasst og blinda. Ekki væsir um mennina en þeir eru vel búnir. Lögreglan reiknaði með að komið yrði til mannanna öðrum hvorum megin við miðnættið. 

• 1 blogg um fréttina

Bloggað um fréttina

• S i g u r ð u r S i g u r ð a r s o n: Hver er eiginlega týndur?