Svaraði í öllum fjölmiðlum

Jón Ásgeir Jóhannesson, athafnamaður, svaraði fyrirspurn Svavars Halldórssonar, fréttamanns Ríkisútvarpsins, um Gaum með því að senda svar sitt og greinargerð lögmanns Svavars í málarekstri Jóns Ásgeirs gegn fréttamanninum til fjölmiðla.

Svavar sendi Jóni Ásgeiri tölvupóst í gær og kvaðst vera að vinna frétt um Gaum og vildi fá viðbrögð Jóns Ásgeirs. Svar Jóns Ásgeirs var svohljóðandi:

„Merkilegt að RÚV skuli láta í þínar hendur  fréttir sem varða mig eða mína. Lögmaður þinn telur það of mikið álag á þig að flytja réttar fréttir sjá greingargerð hans fyrir þína hönd.

þar sem ég má ekki gera óhóflegar kröfur um að þú segir satt frá ( sjá greinargerð) þá vil ég ekki tjá mig um þínar spurningar. 

kv
JAJ“ 

Sem kunnugt er hefur Jón Ásgeir stefnt Svavari  vegna fréttar í Ríkisútvarpinu 6. desember sl. sem fjallaði aðallega um lánaviðskipti Fons hf.

Svavar Halldórsson fréttamaður. Guðmundur Rúnar Guðmundsson

• 4 blogg um fréttina

Bloggað um fréttina

• Axel Jóhann Axelsson: Jón Ásgeir og sannleikurinn
• Guðrún María Óskarsdóttir.: Um að gera að auka illindi og erjur, allra handa, …
• Ólafur Ragnarsson: "hrokanum í þessu "liði""
• Viggó Jörgensson: Ætlar að stefna öllum fréttamönnum til að þagga niður í …