Húsleit hjá Byko og Húsasmiðju
Setja bókamerki
Efnahagsbrotadeild ríkislögreglustjórans og Samkeppniseftirlitið gerðu í dag húsleitir í húsnæði Byko hf., Húsasmiðjunnar hf. og Úlfsins byggingarvörum.
Þetta kemur fram í tilkynningu frá ríkislögreglustjóra.
Hvorki hefur náðst í lögregluna né Samkeppniseftirlitið til að spyrjast nánar fyrir um húsleitirnar. Hins vegar kemur fram að embætti ríkislögreglustjóra og Samkeppniseftirlitið muni senda frá sér nánari fréttatilkynningu vegna húsleitanna síðar í dag.
Húsasmiðjan segir í yfirlýsingu, að húsleitin sé vegna meints verðsamráðs milli aðila á byggingavörumarkaði. Hafi hald verið lagt á gögn og rætt við starfsmenn þar svo og í nokkrum verslunum á höfuðborgarsvæðinu.
„Af þessu tilefni vill Húsasmiðjan taka fram að hún vísar öllum ásökunum um verðsamráð á bug. Fyrirtækið mun að sjálfsögðu aðstoða við rannsókn málsins enda hefur það ekkert að fela," segir í tilkynningunni.
Matvælakjallarinn kominn á sölu
Mikið áhorf á Áramótaskaupið
Tveir fluttir á sjúkrahús eftir rútuslys við Hellu
Framsókn í Reykjavík vill flokksþing
Bændur bíða enn bóta vegna tjóns
Rútuslys við Hellu - Hópslysaáætlun virkjuð
Miklar rakaskemmdir og mygla í Lögbergi
Lús smitar út frá kvíum í villta laxa