Búið að aðstoða 30-40 bíla

Björgunarsveitir eru enn að störfum á Holtavörðuheiði og Bröttubrekku. Búið er að aðstoða ökumenn á milli 30 og 40 bíla á þessu svæði, bæði í norður og suður. Ekki verður hætt fyrr en tryggt er að allir eru komnir niður af heiðinni. Einhver fjöldi farþega hefur verið fluttur í Staðarskála, segir í tilkynningu frá fjarskiptamiðstöð ríkislögreglustjóra.

Björgunarsveitir Landsbjargar, Húni frá vestur Húnavatnssýslu, Heiðar og Brák, úr Borgarfirði,  hafa verið að störfum og einnig hafa komið að þessu björgunarsveitir af höfuðborgarsvæðinu sem voru á leið um svæðið eftir helgaræfingu á Norðurlandi.

 Heiðin er ófær og biður lögreglan ökumenn að virða það.

• 1 blogg um fréttina

Bloggað um fréttina

• Haraldur Haraldsson: Búið að aðstoða 30-40 bíla/við þessu var búið að vara,en …