Öllum sleppt eftir yfirheyrslu
Setja bókamerki
Efnahagsbrotadeild ríkislögreglustjóra hefur í dag, yfirheyrt alls sautján manns sem allir eru stjórnendur eða starfsmenn Byko og Húsasmiðjunnar. Yfirheyrslum er nú lokið og eru allir frjálsir ferða sinna.
Ríkislögreglustjóri vinnur að rannsókn málsins í samvinnu við Samkeppniseftirlitið. Verið er að rannsaka meint ólögmætt samráð fyrirtækjanna á markaði með svokallaða grófvöru, það er steinull, gifsplötur, spónaplötur og timbur.
Húsleitir fóru fram í húsnæði byggingavöruverslananna BYKO og Húsasmiðjunnar fyrir viku. Einnig var leitað í húsnæði Úlfsins – byggingavara, sem nú heitir Byggingavörur Dúdda. Þá voru 19 manns handteknir og yfirheyrðir í kjölfarið.
Húsasmiðjan er að fullu í eigu Vestia, sem er í meirihlutaeigu Framtakssjóðs Íslands. Áður átti Landsbankinn Vestia, sem tók fyrirtækið yfir vegna skuldavanda. Áður var fyrirtækið í eigu Haga. BYKO er að fullu í eigu Norvik, fjárfestingafélags Jóns Helga Guðmundssonar.
Litlar líkur á að hraunið nái til mannvirkja
/frimg/1/53/8/1530844.jpg)
Myndir: Náttúrulegur þröskuldur að taka við
Þarf að koma til móts við ólíkar þarfir lækna
Yfir 300 stæði fóru undir hraun
Drónamyndskeið frá hápunkti gossins í nótt
Sólveig Anna furðar sig á aðferðum kennara