Ekki hugmyndir um að skerða réttindi

Gylfi Arnbjörnsson, forseti Alþýðusambands Íslands, vísar á bug fullyrðingum opinberra starfsmanna um að Alþýðusambandið hafi uppi hugmyndir um skerðingu á lífeyrisréttindum réttindum opinbera starfsmanna.

Gylfi segir í yfirlýsingu, að viðræður ASÍ við Samtök atvinnulífsins grundvallist á  markmiði um að jafna lífeyrisréttindin á almenna vinnumarkaðinum gagnvart hinum opinbera í stað þess að réttindi þeirra verði færð niður að þeim réttindum sem eru á almenna vinnumarkaðinum.

Samtök atvinnulífsins hafi hins vegar farið fram á að fá upplýsingar um áform stjórnvalda varðandi lífeyriskerfi opinberra starfsmanna, m.a. í ljósi þess að hvorki ASÍ né SA hafi aðgang að þeirri umræðu.

Segir Gylfi að Alþýðusambandið hafi lagt ofuráherslu á að staðið verði við öll áunnin réttindi opinberra starfsmanna en hins vegar sé farið fram á að tryggt verði að lífeyriskerfi opinberra starfsmanna verði gert sjálfbært þannig ekki verði frekari skuldaaukning í sjóðum þeirra, umfram þá 500 milljarða sem nú þegar hafi safnast upp og lenda muni á skattgreiðendum næstu árin.

Yfirlýsing Gylfa Arnbjörnssonar

• 3 blogg um fréttina

Bloggað um fréttina

• Haraldur Haraldsson: Ekki hugmyndir um að skerða réttindi/rétta sakl vera rétt,það eiga …
• Gunnar Heiðarsson: Svart er hvítt og já er nei
• Guðrún María Óskarsdóttir.: Hvenær semur Alþýðusambandið við Samtök Atvinnulífsins um launakjör á vinnumarkaði …