Ætla ekki að styðja stjórnina

Lilja Móses­dótt­ir seg­ir að efna­hags­stefna rík­is­stjórn­ar­inn­ar sé mótuð af Alþjóðagjald­eyr­is­sjóðnum. Hún gagn­rýndi þessa stefnu harðlega þegar hún skýrði ákvörðun henn­ar og Atla Gísla­son­ar, sem í dag sögðu sig úr þing­flokki VG. Þau ætla ekki að styðja rík­is­stjórn­ina.

Lilja sagði að þessi efna­hags­stefna gangi út á að verja fjár­magns­kerfið og fjár­magnseig­end­ur. Gengið hafi verið of langt í niður­skurði í rík­is­fjár­mál­um sem hafi leitt til upp­sagna hjá kon­um á lands­byggðinni.

Atli sagði ekk­ert leynd­ar­mál að deil­ur hefðu verið inn­an VG og þær hefðu náð há­marki við af­greiðslu fjár­laga. Í kjöl­farið hefðu for­sæt­is­ráðherra og fjár­málaráðherra kraf­ist skýrra yf­ir­lýs­inga frá þeim um að þau styddu rík­is­stjórn­ina. Það hefðu þau ekki viljað gera nema að leyst­ur yrði sá mál­efna­ágrein­ing­ur væri um til­tek­in mál. Það hefði ekki tek­ist.

Lilja gagn­rýndi einnig harðlega hvernig hefði verið haldið á Ices­a­ve-mál­inu. Það hefði t.d. legið fyr­ir að sum­arið 2009 hefði tæp­lega helm­ing­ur þing­flokks VG verið á móti samn­ingn­um. Samt hefði verið skrifað und­ir samn­ing­inn. Lilja sagðist ætla að greiða at­kvæði gegn Ices­a­ve í þjóðar­at­kvæðagreiðslunni. Atli sagðist hins veg­ar hafa stutt Ices­a­ve á þingi með sem­ingi.

Atli sagði enn­frem­ur að ágrein­ing­ur um um­sókn Íslands að Evr­ópu­sam­band­inu ætti þátt í ákvörðun sinni um að segja sig úr þing­flokkn­um. Hann  gagn­rýndi einnig stjórn­mála­menn­ingu á Íslandi og for­ingj­aræði.

Rík­is­stjórn Sam­fylk­ing­ar­inn­ar og Vinstri­hreyf­ing­ar­inn­ar-græns fram­boðs nýt­ur nú stuðnings 33 þing­manna eft­ir að Lilja og Atli sögðu sig úr þing­flokki VG, en 63 þing­menn sitja á þingi. Þrá­inn Bertels­son, sem kos­inn var á þing fyr­ir Borg­ara­hreyf­ing­una, gekk til liðs við VG á síðasta ári.

• 16 blogg um frétt­ina

Bloggað um frétt­ina

• Karl F Hólm: Hvað er að?
• Ómar Geirs­son: Efna­hags­stefna Alþjóðagjald­eyr­is­sjóðsins hef­ur alltaf legið fyr­ir.
• Har­ald­ur Har­alds­son: Ætla ekki að styðja stjórn­ina/þ​að hlyt­ur að skoðast að kjósa …
• Sig­urður Jóns­son: AGS stjórn­ar Stein­grími J. Ekki mál­frelsi inn­an VG.
• Hauk­ur Gunn­ars­son: Auðvitað styðja þau ekki rík­is­stjórn sem eyðilegg­ur heil­brigðis­kerfið.
• Ein­ar Guðjóns­son: Fasism­inn að verða eina and­lit stjórn­ar­inn­ar ?
• Sig­urður Har­alds­son: Hár­rétt ákvörðun.
• Magnús Helgi Björg­vins­son: Þetta fólk tal­ar um vinnu­brögð annarra. En hvað er þetta?
• Jakobína Ing­unn Ólafs­dótt­ir: Rík­is­stjórn­in hugs­ar um markaði en ekki al­menna vel­meg­un
• S i g u r ð u r S i g u r ð a r s o n: Brott­hvarf Lilju og Gísla skipti engu máli
• Gunn­ar Heiðars­son: Ótarfs­hæfa stjórn­in að missa tvo þing­menn
• Lísa Björk Ing­ólfs­dótt­ir: Má ég blóta núna? Hafi mig ein­hvern­tíma langað til þess …
• Axel Jó­hann Hall­gríms­son: Stuðning­ur Lilju og Atla við rík­is­stjórn­ina eykst!
• Óðinn Þóris­son: Mun rík­is­stjórn­in standa þetta af sér ?
• Bene­dikta E: Utanþing­stjórn - STRAX - ! Skipuð fær­ustu sér­fræðing­um!
• Val­ur Haf­steins­son: Alltaf er þetta eins