Álfheiður og Lilja verða formenn

Lilja Rafney Magnúsdóttir, þingmaður VG í NV-kjördæmi, verður samkvæmt heimildum vefmiðilsins skutuls.is næsti formaður sjávarútvegs- og landbúnaðarnefndar Alþingis.

Atli Gíslason lætur af formennsku í nefndinni en hann sagði sig úr þingflokki Vinstri grænna í vikunni. Kosið verður í sjö fastanefndir á Alþingi í dag.

Þá hefur skutull.is eftir heimildum sínum, að Álfheiður Ingadóttir taki við formennsku í viðskiptanefnd í stað Lilju Mósesdóttur, sem einnig sagði sig úr þingflokki VG í vikunni. 

Atli og Lilja hafa setið í alls 5 þingnefndum fyrir VG. Nefndirnar  eru viðskiptanefnd, þar sem Lilja hefur verið formaður, og Atli hefur einnig setið í viðskiptanefnd, sjávarútvegs- og landbúnaðarnefnd, þar sem Atli hefur verið formaður, allsherjarnefnd, þar sem hann hefur verið varaformaður, menntamálanefnd, þar sem Lilja hefur verið varaformaður, og iðnaðarnefnd, þar sem Lilja hefur verið einn nefndarmanna. 

Skutull.is

• 1 blogg um fréttina

Bloggað um fréttina

• Páll Höskuldsson: Ekki sýna sjálfstæðan vilja.