Ólíðandi launakjör

Sveitarstjórn Eyjafjarðarsveitar samþykkti samhljóða á síðasta fundi sínum að fela sveitarstjóra og skrifstofustjóra  að leggja mat á kosti og galla þess að Eyjafjarðarsveit skipti  um viðskiptabanka.

Í bókun á fundinum segir, að Eyjafjarðarsveit hafi allt frá upphafi  haft  bankaviðskipti sín við Arion banka og átt allan þann tíma mjög  góð og ánægjuleg samskipti við starfsfólk bankans á Akureyri. 

„Á undanförnum vikum hafa borist fréttir af launakjörum bankastjóra  sem  í sumum tilfellum eru með þeim hætti  að vekur undrun.  Það er að mati sveitarstjórnar algerlega ólíðandi að á sama tíma og almenningur,  fyrirtæki  og stofnanir í landinu berjast við að ná endum saman skuli svona launagreiðslur tíðkast.  Vegna þessara  frétta   samþykkir sveitarstjórn  að  fela sveitarstjóra og skrifstofustjóra  að   leggja mat á kosti og galla þess að Eyjafjarðarsveit skipti  um viðskiptabanka,“ segir í bókuninni.

• 3 blogg um fréttina

Bloggað um fréttina

• Davíð Þ. Löve: Frábært fordæmi!!!
• Sigurður Haraldsson: Koma svo!
• Guðmundur Frímann Þorsteinsson: Fylgja þessu fordæmi