Umræðu um stjórnlagaráð lokið

Síðari umræðu um þingsályktunartillögu um stjórnlagaráð lauk á Alþingi upp úr klukkan 18 í kvöld. Atkvæðagreiðslu um tillöguna var frestað.

Samkvæmt tillögunni skipar forseti Alþingis 25 manna stjórnlagaráð sem fái það verkefni að taka við og fjalla um skýrslu stjórnlaganefndar og gera tillögur um breytingar á stjórnarskrá  Íslands.

Bjóða skal þeim sæti í ráðinu, sem landskjörstjórn úthlutaði sæti í kosningu til stjórnlagaþings 27. nóvember 2010 en að öðrum kosti þeim sem næstir voru í röðinni. Gert er ráð fyrir að minnsta kosti 10 fulltrúar af hvoru kyni sitji í ráðinu.

• 3 blogg um fréttina

Bloggað um fréttina

• Óðinn Þórisson: Ríkisstjórnin klúðraði stjórnlagaþinginu
• Svanur Gísli Þorkelsson: Hræ í uppstúf
• Óskar Guðmundsson: Of seint.