Segja já við Icesave
Setja bókamerki
Áfram-hópurinn kynnti í dag á blaðamannafundi stefnumál sín varðandi Icesave-samninginn sem kosið verður um í þjóðaratkvæðagreiðslu 9. apríl næstkomandi.
Hópurinn er skipaður fólki úr öllum geirum samfélagsins sem er sammála um að já við Icesave-samningnum í þjóðaratkvæðagreiðslunni sé farsælasta leiðin í málinu og leið út úr stöðnun og kyrrstöðu íslensk samfélags og efnahagslífs eins og kemur fram í fréttatilkynningu frá hópnum.
Meðal þeirra sem tóku til máls á fundinum var Guðmundur Gunnarsson formaður Rafiðnaðarsambands Íslands. Guðmundur tók lágt lánshæfismat fyrirtækja sem dæmi um hlut sem nauðsynlega væri að lagfæra og já við Icesave-samningnum væri forsenda þess að hægt sé að vinna upp þann kaupmátt sem hefur tapast.
Margrét Kristmannsdóttir, framkvæmdastjóri Pfaff, bætti við að farsæl laus á Icesave snérist um lífskjör þjóðarinnar á komandi árum en ekki bara um líftíma einnar ríkistjórnar. Nauðsynlegt væri að huga að komandi kynslóðum þegar tekin verður ákvörðun um Icesave.
Fordæma árásir á ísraelska áhangendur
Víðir gerir upp mistök frá covid-tímanum
Kílómetragjald: „Mikilvægt að málið verði klárað fyrir þinglok“
Kvikusöfnun 80% af því sem var fyrir síðasta gos
Kjör kennara hafi vaxið langt umfram almennan markað
Ný könnun: Sjálfstæðisflokkur dalar enn