Tekur ekki þátt í stjórnarsamstarfi án kosninga

Það er óhugs­andi að Sjálf­stæðis­flokk­ur­inn taki þátt í rík­is­stjórn­ar­sam­starfi við nú­ver­andi aðstæður, án und­an­geng­inna kosn­inga. Þetta seg­ir í álykt­un sem samþykkt var á aðal­fundi full­trúaráðs Sjálf­stæðis­fé­lag­anna í Vest­manna­eyj­um.

Í álykt­un­inni seg­ir að þverr­andi lífs­orka nú­ver­andi rík­is­stjórn­ar fari nú öll í að viðhalda sjálfri sér. Á meðan flæði und­an fylgi henn­ar bæði hjá þingi og þjóð.

 „Áhuga­svið þess­ar­ar hálf­dauðu rík­is­stjórn­ar virðist nú einkum tak­mark­ast við tvennt: ann­ars veg­ar aðlög­un­ar­viðræður við Evr­ópu­sam­bandið, sem mik­ill meiri­hluti þjóðar­inn­ar vill alls ekki aðlag­ast og hins veg­ar að kippa grunn­in­um und­an rekstri fyr­ir­tækja í sjáv­ar­út­vegi, sem nú skila þjóðinni um 35% af öll­um gjald­eyris­tekj­um henn­ar og eru helsta grunnstoð at­vinnu­lífs í land­inu. Nýj­asta dæmið um þetta er ákvörðun um út­hlut­un mak­ríl­kvóta. Höggið, sem er í anda fyrn­inga­leiðar, er mikið fyr­ir sam­fé­lagið í Eyj­um og eru tapaðar tekj­ur um 1250 millj­ón­ir. Við svo búið má ekki standa.

Nú­ver­andi rík­is­stjórn verður að víkja áður en hún vinn­ur þjóðinni meira tjón en orðið er. Það er óhugs­andi að Sjálf­stæðis­flokk­ur­inn taki þátt í rík­is­stjórn­ar­sam­starfi við nú­ver­andi aðstæður, án und­an­geng­inna kosn­inga.“

• 4 blogg um frétt­ina

Bloggað um frétt­ina

• Páll Vil­hjálms­son: Til­boð Sam­fó til Bjarna Ben, stríð í Sjálf­stæðis­flokkn­um
• S i g u r ð u r S i g u r ð a r s o n: Rík­is­stjórn­in er löngu dauð
• Har­ald­ur Har­alds­son: Tek­ur ekki þátt í stjórn­ar­sam­starfi án kosn­inga/þ​etta ættu fleiri Sjálf­stæðis­fé­lög …
• Björn Birg­is­son: Það er líka kreppa í Sjálf­stæðis­flokkn­um