Verið að grafa undan vægi SÞ

Ögmund­ur Jónas­son inn­an­rík­is­ráðherra tek­ur und­ir með Stein­grími J. Sig­fús­syni, fjár­málaráðherra og for­manni VG, að Vinstri græn­ir styðji ekki þá ákvörðun að NATO taki við stjórn aðgerða í Líb­íu. Verið sé að grafa und­an vægi Sam­einuðu þjóðanna með því að nýta „loðnar yf­ir­lýs­ing­ar“ Örygg­is­ráðsins til hernaðaraðgerða.

„Í fyrstu virðist hinn fjar­lægi veru­leiki vera óskap­lega ein­fald­ur en þegar bet­ur er að gáð er nú mynd­in flókn­ari en svo að það sé hægt að lækna öll mein með hernaðar­árás. Ég tel það vera mjög vafa­samt að hernaðarbanda­lagið NATO taki sér þetta vald," sagði Ögmund­ur við mbl.is.

Hann seg­ir sér ekki hafa verið kunn­ugt um að full­trúi Íslands inn­an NATO myndi samþykkja þá ákvörðun að banda­lagið tæki að sér stjórn­un aðgerða í Líb­íu.

„Ég hef ekki setið neinn fund þar sem þetta var rætt með þess­um hætti," seg­ir Ögmund­ur sem býst við að málið verði rætt á fundi rík­is­stjórn­ar­inn­ar í fyrra­málið.

Ut­an­rík­is­mála­nefnd Alþing­is hef­ur verið boðuð til fund­ar kl. 20:30 í kvöld þar sem mál­efni Líb­íu verða rædd og aðkoma NATO í aðgerðum þar.

• 6 blogg um frétt­ina

Bloggað um frétt­ina

• Björn Birg­is­son: Er ekki rétt að boða Davíð Odds­son og Hall­dór Ásgríms­son …
• Har­ald­ur Har­alds­son: Verið að grafa und­an vægi SÞ/þ​essu er maður ekki sam­mála,það …
• Sig­urður Þor­steins­son: VG set­ur Ísland á lista hinna staðfestu þjóða.
• Sig­urður Jóns­son: Tók Össur einn ákvörðun um að samþykkja aðgerðir NATO í …
• Sveinn Eg­ill Úlfars­son: Hringa­vit­leysa
• Guðrún María Óskars­dótt­ir.: Þá seg­ir þú bara af þér Ögmund­ur, eða hvað ?