Funda með stjórnvöldum

Forystumenn ASÍ og Samtaka atvinnulífsins settust inn á fund með ráðherrum í ríkisstjórninni kl. 9 í morgun. Reiknað er með að á fundinum skýrist hvert framhald kjaraviðræðna verði.

Kjaraviðræður á almennum vinnumarkaði eru nú í biðstöðu. Samtök atvinnulífsins greindu ríkisstjórninni frá því í fyrrakvöld að ekki yrði hafin lokaatlaga að því að ljúka kjarasamningum í vikunni eins og til stóð þar sem svo mörg stór mál standi út af í viðræðum við ríkisstjórnina að slíkt væri ekki mögulegt.

Jóhanna Sigurðardóttir forsætisráðherra og Steingrímur J. Sigfússon fjármálaráðherra furðuðu sig í gær á þessum yfirlýsingum og sögðu að hægt væri að ná samkomulagi um öll mál nema stefnuna í sjávarútvegsmálum.

Sigurður Bessason, formaður Eflingar og Gylfi Arnbjörnsson, forseti ASÍ, ganga inn í stjórnarráðið. mbl.is/Kristinn Ingvarsson

• 4 blogg um fréttina

Bloggað um fréttina

• Ómar Geirsson: Lagt á ráðin um ICEsave og stóriðju???
• Bjarni Kjartansson: Frekjuhundar LÍjúgarana.
• Axel Jóhann Axelsson: Ríkisstjórnin verði með NÚNA eða fari frá ella
• Páll Vilhjálmsson: Þrjár ríkisstjórnir í landinu