Vilja eignast Hverahlíðarvirkjun

Lífeyrissjóðirnir hafa áhuga að eignast eða koma að fjármögnun Hverahlíðarvirkjunar. Ályktun þessa efnis var samþykkt á fundi Landssambands lífeyrissjóða í dag.

„Á fundinum kom fram áhugi að kanna hugsanlega aðkomu lífeyrissjóða að eignarhaldi og/eða fjármögnun í fyrirhugaðri Hverahlíðarvirkjun, en Orkuveita Reykjavíkur hefur unnið að undirbúningi Hverahlíðarvirkjunar í nokkur ár samhliða virkjunarframkvæmdum sínum á Hellisheiði.“

Lífeyrissjóðirnir ætla að kanna áhuga stjórnenda Orkuveitunnar og Norðuráls á málinu, en fyrirhugað hefur verið að orka frá Hverahlíðarvirkjun verði seld til álvers Norðuráls í Helguvík.

Orkuveitan hefur þegar varið um milljörðum króna til undirbúnings Hverahlíðarvirkjunar. Fyrirtækið hefur fest kaup á rafölum frá Japan sem bíða afhendingar.

• 1 blogg um fréttina

Bloggað um fréttina

• Haraldur Haraldsson: Vilja eignast Hverahlíðarvirkjun/þetta lýst menni vel á má svo selja …