Tjáðu sig lítið um tillögurnar

Fulltrúar Alþýðusambands Íslands og Samtaka atvinnulífsins vildu lítið tjá sig um þær tillögur, sem ríkisstjórnin lagði fram á fundi í dag um aðgerðir til að greiða fyrir kjarasamningum. 

Vilhjálmur Egilsson, framkvæmdastjóri SA, sagði að haldinn yrði fundur um málið í kvöld innan samtakanna. Hann upplýsti, að á fundinum með ráðherrum hefðu málefni sjávarútvegsins komið til umræðu. Einnig hefði verið rætt um framkvæmdir en vildi ekki upplýsa hvaða framkvæmdir það voru. 

Gylfi Arnbjörnsson, forseti ASÍ, vildi heldur ekki tjá sig mikið um tillögurnar en sagði aðspurðu að hann yrði að vera bjartsýnn á að hægt yrði að ná þriggja ára kjarasamningi.

Forystumenn opinberra starfsmanna komu til fundar við stjórnvöld kl. 15 í Ráðherrabústaðnum.

• 1 blogg um fréttina

Bloggað um fréttina

• Axel Jóhann Axelsson: Ríkistjórnin að rumska - þarf að vakna alveg