„Verðum að veðja á framtíðina“

„Mikilvægi þess að ná hér kjarasamningum til þriggja ára er ekki síst fólgið í því að þá leggur hagkerfið af stað, vonandi á traustari forsendum, og þess vegna er ekki rétt að horfa bara á skammtímaáhrif á afkomu ríkissjóðs,“ sagði Steingrímur J. Sigfússon, fjármálaráðherra, að loknum fundi þar sem fjallað var um aðgerðir ríkisstjórnarinnar til að greiða fyrir kjarasamningum. Þær munu hafa í för með sér tugmilljarða kostnað fyrir ríkissjóð.

Fundurinn fór fram í ráðherrabústaðnum við Tjarnargötu og hann sátu, ásamt ráðherrum ríkisstjórnarinnar, fulltrúar Alþýðusambands Ísland, Samtaka atvinnulífsins og opinberra starfsmanna.

Sagði Steingrímur að réttlætanlegt væri að ríkið og opinberir aðilar tækju á sig auknar byrðar til skamms tíma sem skiluðu sér síðar í hagkerfið. „Við verðum, með öðrum orðum, að veðja á framtíðina og að hér komi hagvöxtur og hjólin fari í gang og umsvifin í hagkerfinu aukist.“

• 5 blogg um fréttina

Bloggað um fréttina

• Jóhann Elíasson: ER EKKI BÚIÐ AÐ VERA AÐ LOFA AUKNUM FRAMKVÆMDUM OG …
• Ómar Geirsson: Verðum að veðja á framtíðina segir Steingrímur Joð.
• Björn Birgisson: Tugir milljarða frá ríkissjóði? Veit AGS af þessu?
• Ásgrímur Hartmannsson: Enn verið að bíða eftir að hagkerfið taki við sér
• Guðrún María Óskarsdóttir.: Miðstýrðir kjarasamningar með hagvaxtarvæntingaveðmálum.