Íhuga mál á hendur fyrrverandi stjórnarmönnum
Setja bókamerki
Skilanefnd og slitastjórn Landsbankans íhugar nú skaðabótamál á hendur fyrrverandi stjórnarmönnum bankans. Fram kom í hádegisfréttum RÚV að allir þeir sem sátu í stjórn gamla Landsbankans hafi hafnað því að bera ábyrgð á tuga milljarða kr. millifærslum út úr bankanum, daginn áður en hann féll, haustið 2008.
Fram kemur að þeir sem hafi setið í bankaráði Landsbankans í október 2008 hafi snemma í febrúar fengið bréf frá skilanefnd og slitastjórn bankans, þar sem raktar séu 34 milljarða króna útgreiðslur úr bankanum, 6. október 2008, daginn áður en bankinn féll.
Í bréfinu er því haldið fram að bankaráði og stjórnendum bankans hefði verið ljóst, eða hefði mátt vera ljóst, að bankinn var á þessum tíma kominn í þrot, og að athafnaleysi þeirra fæli í sér skaðabótaskyldu.
Reiðubúin að aflýsa verkföllum í fjórum leikskólum
50 milljónir eiga að minnka svindl um 1 milljarð
Þarf að koma til móts við ólíkar þarfir lækna
Nýtt fangelsi í landi Stóra-Hrauns tilbúið 2028
Viðræður ekkert þokast frá því á þriðjudag
Flestir sem hvergi finnast koma frá Sómalíu
Hópur fólks reyndi að komast að eldgosinu
Hentugt gos fyrst gýs á annað borð