5,4 milljarðar til Vestfjarða
Setja bókamerki
Á fundi ríkisstjórnarinnar sem haldinn var á Ísafirði í dag voru samþykkt 16 verkefni sem snúa að eflingu byggðar og atvinnusköpun í landshlutanum. Heildarkostnaður við verkefnin er áætlaður 5,4 milljarðar króna, af því er tæpur 1,5 milljarðar króna nýtt fjármagn.
Verkefnin hafa verið undirbúin í samvinnu allra ráðuneyta og í samráði við heimamenn. Verkefnin snúa m.a. að menntun, velferð, umhverfismálum og auknum framkvæmdum í vegagerð og snjóflóðavörnum.
Ætlunin er að fylgja verkefnunum eftir á samráðsvettvangi stjórnvalda og sveitarfélaga með það að markmiði að ábyrgð þeirra færist í auknum mæli heim í hérað. Sú vinna tengist gerð sóknaráætlana landshluta og markmiðum sem sett eru fram í stefnumarkandi skjali stjórnvalda, Ísland 2020.
Fyrir ríkisstjórnarfundinn heimsótti ríkistjórnin Háskólasetur Vestfjarða og kynnti sér starfsemi mennta-, atvinnuþróunar- og rannsóknastofnana á svæðinu. Þá fundaði ríkisstjórnin jafnframt með sveitarstjórnarfólki af svæðinu þar sem verkefnin voru kynnt og rædd.
Orkumál, flutningskostnaður og samgöngumál voru mikið rædd á fundinum. Í tilkynningu frá forsætisráðuneytinu segir, að með fundi sínum og þeim aðgerðum sem þar voru kynntar vilji stjórnvöld senda skýr skilaboð um að byggð á Vestfjörðum verði varin.
Vilja flytja út fisk gegnum Ísland
„Fólk ætti að fara að öllu með gát“
„Það var ekki dæmt löglegt að mismuna börnum“
Selenskí: N-Kórea heyir stríð í Evrópu
Biden ávarpar Bandaríkjamenn eftir sigur Trumps
Jón Ingi heimsmethafi í mynsturstökki
Tekur ekki undir orð Ragnars Þórs og Ásthildar Lóu