Fölsuð Gillette rakvélarblöð

Nýlega lagði tollgæslan hald á töluvert magn af fölsuðum Gillette Fusion Power rakvélarblöðum, var um að ræða hraðsendingu frá Hong Kong.

Er þetta í fyrsta skipti sem tollgæslan hér á landi  leggur hald á fölsuð rakvélarblöð en talið er líklegt aðblöðin hafi verið ætluð til sölu hér á landi.

Fram kemur á vef tollgæslunnar að reynst geti erfitt fyrir almenning  að þekkja muninn og ekki fyrr en við rakstur að spurningar vakna um lögmæti vörunnar. Gott sé að hafa eftirtalin atriði í huga þegar spurningar vakna um mögulega fölsun. Ef að eitt eða fleiri atriði vekja athygli  kaupandans er full ástæða til að íhuga hvort um sé að ræða falsaða vöru.

• Óeðlilega lágt verð
• Örlítill blæbrigðamunur á umbúðunum (t.d. óskýrari stafir, litir og myndir)
• Áberandi gæðamunur á blöðunum auk þess sem greinilegur munur er oftast á útliti þeirra

Íslensk Ameríska hefur umboð fyrir Gillette á Íslandi.  Tekið er mjög hart á svona málum og leitað allra leiða til að hafa uppi á eftirlíkingum sem eru til sölu hér á landi.  Þeir munu fyrir hönd framleiðanda fara í lögbannsmál gagnvart þeim   sem flytja inn og/eða selja fölsuð eintök frá Gillette.

• 1 blogg um fréttina

Bloggað um fréttina

• Ragnar Kristján Gestsson: Óeðlilega lágt verð?