Vilja komast yfir skotvopn

Lög­regla hef­ur staðfest­ar heim­ild­ir fyr­ir því að menn sem tengj­ast glæpa­hóp­um hér á landi ætli sér að kom­ast yfir skot­vopn með ólög­leg­um hætti. Eig­end­um versl­ana sem selja vopn­in hef­ur verið gert viðvart vegna máls­ins, en ótt­ast er að menn­irn­ir muni fremja vopnað rán til að kom­ast yfir grip­ina.

Í Morg­un­blaðinu í dag kem­ur fram, að lög­reglu­menn kom við í þónokkr­um versl­un­um á höfuðborg­ar­svæðinu í gær og greindu rekstr­araðilum frá þessu. Sam­kvæmt upp­lýs­ing­um Morg­un­blaðsins vöktuðu lög­reglu­menn versl­an­irn­ar yfir dag­inn úr fjarska.

Lög­regla greindi ekki frá því í sam­ræðum við rekstr­araðilana hvaða menn eða hóp­ar þetta væru. Sam­kvæmt heim­ild­um Morg­un­blaðsins tengj­ast þeir þó að minnsta kosti ein­um glæpa­hópi.