Birkir Jón fékk 77,3%
Setja bókamerki
Birkir Jón Jónsson var endurkjörinn varaformaður Framsóknarflokksins á flokksþingi framsóknarmanna í dag. Fékk Birkir Jón 303 atkvæði eða 77,3% greiddra atkvæða.
Alls fengu 13 einstaklingar atkvæði í varaformannskjörinu. Vigdís Hauksdóttir fékk 47 atkvæði þótt hún lýsti því yfir í gær að hún sæktist ekki eftir embættinu. Sturla Jónsson, sem lýsti því yfir á þinginu í dag að hann sæktist eftir embættinu, fékk 9 atkvæði og Sigurgeir Sindri Sigurgeirsson fékk 6 atkvæði.
„Ég hlakka til næstu tveggja ára," sagði Birkir Jón eftir að niðurstaðan lá fyrir. Hann sagðist vera þess fullviss, að á flokksþinginu muni koma samstíg forusta, sem muni leiða mál áfram inn á vettvang Alþingis en gott samstarf hafi verið í forustu flokksins síðustu ár.
Sagði Birkir Jón að á flokksþinginu kæmi fram skýr framtíðarsýn, kjarkur og þor.
Fyrr í dag var Sigmundur Davíð Gunnlaugsson endurkjörinn formaður flokksins.
Auðlindagjaldið hljómar vel
Segja tölur um opinbera starfsmenn skakkar
Gular viðvaranir í dag og á morgun
Ellefu skjálftar síðasta sólarhringinn
Hækkun skilaði sér til bænda
„Hagræðingarmál eru í fyrsta sæti“
„Aðstæður í stjórnmálum geta breyst á einni nóttu“