Nei fékk tæp 60% atkvæða

Rétt tæp 60% kjósenda merktu við Nei í þjóðaratkvæðagreiðslunni í gær en um 40% við já. Kjörsókn yfir landið var nálægt 75%. Andstaðan við Icesave var áberandi meiri úti á landi en á höfuðborgarsvæðinu. 

Nei atkvæðin voru hlutfallslega langflest í Suðurkjördæmi en þar voru þau tæplega 73% atkvæða og já-in rúm 27%.

Já naut mests fylgis í Reykjavíkurkjördæmi norður þar sem um 46,7% merktu við já en um 53,3% merktu við nei.

Í Reykjavíkurkjördæmi suður sögðu  um 45,7% já en um 54,3% nei. Í Suðvesturkjördæmi kusu um 41,6% já en 58,4% við nei. Í Norðvesturkjördæmi kusu um 34.6% já en um 63,9% nei. Í Norðausturkjördæmi völdu um 37,8% já en 62,2% nei. 

Þessar niðurstöður eru bráðabirgðatölur og byggjast á upplýsingum sem birtar voru eftir talningar í kjördæmunum. Eftir er að taka tillit til vafaatkvæða og kæra ef einhverjar eru. Landskjörstjórn mun gefa út endanlega niðurstöðu þjóðaratkvæðagreiðslunnar þegar hún liggur fyrir.

• 2 blogg um fréttina

Bloggað um fréttina

• Jóhanna Magnúsdóttir: "Neither you nor I´m to blame when all is said …
• Vilhjálmur Bjarnason Ekki fjárfestir: Fyrsti dagur hins nýja og frjálsa Íslands er í dag.