Íslendingar hafa varðveitt sitt fræga stolt
Setja bókamerki
Olle Zachrison, dálkahöfundur Svenska Dagbladet í Svíþjóð, sem talsvert hefur fjallað um íslensk málefni, segir í dag að íslenska ríkisstjórnin eigi að segja af sér og boða til kosninga í kjölfar niðurstöðu Icesave-atkvæðagreiðslunnar um helgina.
Zachrison segir, að afleiðingar þess að Íslendingar höfnuðu Icesave-lögunum gætu orðið ýmsar. Þannig kunni lánshæfismat landsins að lækka og aðildarviðræður landsins við Evrópusambandinu að komast í uppnám.
En það eigi að virða vilja þjóðarinnar og það ætti að þýða, að ríkisstjórn Jóhönnu Sigurðardóttur, forsætisráðherra, segi af sér og boði til kosninga því ljóst sé að ríkisstjórnin gangi ekki í takti með þjóðinni.
Zachrison gagnrýndi Ólaf Ragnar Grímsson, forseta Íslands, harðlega fyrr á þessu ári fyrir að synja Icesave-lögunum staðfestingar og segir nú, að best hefði verið að málið hefði ekki verið sett í þjóðaratkvæðagreiðslu í ljósi þess að Icesave-samningurinn hafi verið hagstæður.
„Það hefði verið auðveldasta valið að segja já. Nú verður ganga Íslendinganna erfiðari og einmanalegri en þeir hafa þó að minnsta kosti varðveitt sitt fræga stolt," segir Zachrison.
Hótar Bretum og Bandaríkjamönnum
Hluti bílastæðis undir hraun: Ómögulegt að meta tjón
„Erum í miðri hrinu“: Styttist í Eldvörp
Mjög alvarlegt ef Njarðvíkuræð gefur sig
Virknin dregist saman um 600 metra
„Má segja að þetta gos hafi þjófstartað“
Hraunið við bílastæði Bláa lónsins