Undirskriftir gegn fjölmiðlalögum

Hafin er söfnun undirskrifta í því skyni að skora á forseta Ísland að beita málskotsrétti verði fyrirliggjandi frumvarp um fjölmiðla samþykkt sem lög frá Alþingi. Yfirskrift söfnunarinna er: „Höfnum nýjum fjölmiðlalögum“.

„Fjölmiðlafrumvarpið er alvarleg atlaga gegn sjálfstæði frjálsra fjölmiðla á Íslandi og felur í sér íþyngjandi afskipti framkvæmdavaldsins af starfsemi fjölmiðla og myndi grafa undan skoðana- og tjáningarfrelsi í landinu. Ritskoðun má aldrei lögfesta með beinum eða óbeinum hætti.

Með því að samþykkja fyrirliggjandi frumvarp óbreytt gengur Alþingi vísvitandi í berhögg við EES samninginn. Alþingi ber samkvæmt úrskurði ESA að veita samkeppnissjónarmiðum fótfestu í lögunum og tryggja skjóta úrlausn klögumála,“ segir m.a. í áskoruninni til forsetans.

Einnig segir þar a með þeim rökum sem forsetinn hafi nefnt í Icesave-málinu sé einboðið að þjóðin fari með hluta löggjafarvaldsins í fjölmiðlamálinu.

Heimasíða undirskriftasöfnunarinnar

• 5 blogg um fréttina

Bloggað um fréttina

• Gunnar Heiðarsson: Einfaldara að safna undirskriftum um að kjósa til þings
• Ómar Ragnarsson: "Ritskoðun má aldrei í lög leiða"
• Ester Sveinbjarnardóttir: "Fjölræði" og orðskrípi í lögum!
• Guðrún María Óskarsdóttir.: Smávegis fróðleikur um þetta mál.
• Guðmundur Ásgeirsson: Fjölmiðlar gegn fjölmiðlalögum