ESA væntanlega svarað eftir páska

Ólíklegt er að áminningarbréfi Eftirlitsstofnunar EFTA (ESA) vegna Icesave verði svarað fyrr en eftir páska. Utanríkismálanefnd fór yfir undirbúning að svarinu með fjármálaráðherra og efnahags- og viðskiptaráðherra í kvöld.

„Nefndinni var gerð grein fyrir efnistökum sem væntanlega yrðu í þessu svari og farið var yfir það en það eru ekki komin nein drög að því ennþá“ segir Árni Þór Sigurðsson, formaður utanríkismálanefndar. 

Árni Þór segist ekki eiga von á að svarið verði sent fyrr en eftir páska. „Stjórnvöld þurfa að ná einhverju samkomulagi um það við ESA vegna þess að frestirnir eru löngu liðnir. Ég reikna með að efnahags- og viðskiptaráðuneytið muni eiga einhver samskipti við ESA um það,“ segir hann.  

• 1 blogg um fréttina

Bloggað um fréttina

• Haraldur Haraldsson: ESA væntanlega svarað eftir páska/þetta er bara skrum þetta ætti …