Mikil eftirsjá að Ásmundi

Ögmundur Jónasson innanríkisráðherra segir að það sé mikil eftirsjá að Ásmundi Einari Daðasyni, sem ákvað í gær að segja sig úr þingflokki VG og hætta stuðningi við ríkisstjórnina.

Á vefsíðu sinni skrifar Ögmundur að hann sé að sjálfssögðu ósammála Ásmundi um afstöðuna til ríkisstjórnarinnar.

„Í sjálfu sér þarf engum að koma á óvart ákvörðun Ásmundar Einars því hann hefur um langan tíma verið þungorður í garð ríkisstjórnarinnar og gagnrýnt sinn eigin flokk, VG,  fyrir að bregðast hugsjónum sínum. Þar hefur Ásmundur Einar einkum staðnæmst við aðildarumsókn Íslands að Evrópusambandinu. Sjálfur er hann formaður Heimssýnar, samtakanna sem  berjast gegn aðild að ESB og fyrir fullveldi Íslands, og hefur hann margoft lýst því yfir að þetta sé það málefni sem heitast brenni á sinni pólitísku samvisku,“ skrifar Ögmundur.

Hann segir að Ásmundur Einar sé hugsjónamaður, ungur eldhugi, sem tekið hafi erfiða ákvörðun í samræmi við sína bestu sannfæringu og hugsjón. „Ég óska honum alls hins besta um ókominn tíma,“ skrifar Ögmundur.

• 5 blogg um fréttina

Bloggað um fréttina

• Jóhann Elíasson: EN AFSTAÐA ÖGMUNDAR ER AÐ KOMA Á ÓVART............................
• Óðinn Þórisson: " Styrkir " ríkisstjórnina
• Ingibjörg Guðrún Magnúsdóttir: Er búið að snúa honum í átt að ESB....
• Sigurður Haraldsson: Þetta er kallað!
• Torfi Kristján Stefánsson: Ósannverðugt!