Ræðst af svari í dag

Ríkisstjórnin hefur það í höndum sér hvort gerðir verða kjarasamningar til lengri eða skemmri tíma. Þetta segja forsvarsmenn Samtaka atvinnulífsins sem funda með fulltrúum ríkisstjórnarinnar fyrir hádegi í dag.

Í umfjöllun um málið í Morgunblaðinu í dag kemur fram, að nokkuð hafi gengið í viðræðum en klára þurfi ýmis mál, t.d. sjávarútvegsmálin.

Gangur komst í kjaraviðræðurnar á ný í gærmorgun eftir útspil frá ríkisstjórninni og verður farið í þær af fullum krafti í dag. Vonast er til að samningar liggi fyrir á föstudag.