Steingrímur til Washington

Steingrímur J. Sigfússon, fjármálaráðherra, sækir vorfund fjárhagsnefndar Alþjóðagjaldeyrissjóðsins sem hefst í Washington í dag og stendur fram á sunnudag.

Samkvæmt upplýsingum frá fjármálaráðuneytinu mun Steingrímur hitta þar helstu stjórnendur sjóðsins sem og fulltrúa ríkja og ríkisstjórna sem sæti eiga í sjóðnum.

Þar mun Steingrímur gera grein fyrir framgangi efnahagsáætlunar Alþjóðagjaldeyrissjóðsins í samvinnu við íslensk stjórnvöld og skýra frá niðurstöðu þjóðaratkvæðagreiðslu um Icesave-samninga sl. laugardag og áhrifum hennar.

• 1 blogg um fréttina

Bloggað um fréttina

• Viggó Jörgensson: Tekinn á teppið og rassskelltur fyrir icesave.