Opna gestastofu á Þorvaldseyri

Gestastofan á Þorvaldseyri undir Eyjafjöllum verður opnuð formlega á morgun fyrir gesti og gangandi. Hjónin Ólafur Eggertsson og Guðný A. Valberg voru önnum kafin við að undirbúa móttöku fyrir vini sína í kvöld í tilefni af opnuninni. Ólafur sagði að þegar í dag hafi komið um 50 manns þótt í raun væri ekki búið að opna.

„Við vorum að vinna hérna og fólkið bankaði bara upp á,“ sagði Ólafur. Í Gestastofunni er búið að setja upp sýningar á veggspjöldum af sögu gossins í Eyjafjallajökli sem hófst 14. apríl 2010. Einnig má fræðast þar um sögu fjölskyldu Ólafs á Þorvaldseyri frá því að afi hans, Ólafur Pálsson, flutti þangað árið 1900.

Sýnd verður kvikmynd um gosið í Eyjafjallajökli sem Ólafur lét gera. Þá geta gestir keypt þar minjagripi og afurðir frá Þorvaldseyri, meðal annars morgunkornið Byggi sem gert er úr korni af ökrum bæjarins.

• 3 blogg um fréttina

Bloggað um fréttina

• Magnús Óskar Ingvarsson: Gestastofa á Þorvaldseyri
• Gísli Foster Hjartarson: Frábært framtak
• Guðrún María Óskarsdóttir.: Fjársjóður Eyfellinga, menningartengd ferðaþjónusta sem aldrei fyrr.