Jóhanna fái Ólínu til að miðla málum

„Sáttasemjarinn mikli, Jóhanna Sigurðardóttir, ætti kannski að fá Ólínu Þorvarðardóttur til liðs við sig til að ræða við aðila vinnumarkaðarins,“ sagði Ólöf Nordal, varaformaður Sjálfstæðisflokksins, á fundi sjálfstæðismanna í morgun.

Bæði Ólöf og Bjarni Benediktsson, formaður Sjálfstæðisflokksins, gagnrýndu hvernig Jóhanna hefði haldið á málum gagnvart aðilum vinnumarkaðarins. Bjarni sagði að Jóhanna hefði haft nægan tíma til að koma fram með tillögur í sjávarútvegsmálum, en engar tillögur hefðu enn séð dagsins ljós þó að tvö ár væru frá því að ríkisstjórnin lýsti því yfir að gerðar yrðu breytingar á lögum um stjórn fiskveiða.

Bjarni sagði að það lægi fyrir að hægt væri að skapa sátt um hækkun á veiðigjaldi, en Jóhanna hefði ekki talið það nægjanlegt.

• 4 blogg um fréttina

Bloggað um fréttina

• Ólafur Ragnarsson: "Ef þetta gengi eftir "
• Viggó Jörgensson: Jóhanna ræður ekkert við hlutverk sitt né samstarfsfólk.
• Óðinn Þórisson: Áhugaverð tillaga hjá Ólöfu Nordal
• Gunnar Th. Gunnarsson: Var Birgitta á barmi taugaáfalls??