200 króna veggjald
Setja bókamerki
Ögmundur Jónasson innanríkisráðherra hefur lagt fram hugmyndir um að veggjald á leiðinni á milli Reykjavíkur og Selfoss verði 200 krónur.
Á vef Sunnlenska fréttablaðsins segir, að þetta hafi komið fram á fundi ráðherra með sveitastjórnarmönnum og fulltrúum Sambands sunnlenskra sveitarfélaga, SASS, fyrir skömmu.
Sunnlendingar hafa lagt á það áherslu að engin gjaldtaka verði vegna nýframkvæmda austur fyrir fjall nema að gjaldtaka verði einnig sett á aðra sambærilega vegi, s.s. Reykjanesbrautina og Vesturlandsveg. 200 krónurnar miða við að slík samræmd gjaldtaka fari fram.
Áður hefur verið miðað við að framkvæmdin kosti um 20 milljarða króna og 370 króna veggjald þurfi til að standa undir því. Sunnlenska hefur eftir Þorvarði Hjaltasyni, framkvæmdastjóra SASS, að Sunnlendingar hafi kynnt hugmyndir sem gætu lækkað kostnaðinn í 16,5 milljarð króna.
Ekki er miðað við að gjaldtaka hefjist fyrr en eftir fimm ár.
Sjötti ferðamaðurinn er látinn
„Höfum sloppið bærilega með skaða af þessu gosi“
Hótar Bretum og Bandaríkjamönnum
Þarf að koma til móts við ólíkar þarfir lækna
Reiðubúin að aflýsa verkföllum í fjórum leikskólum
Hópur fólks reyndi að komast að eldgosinu
Viðræður ekkert þokast frá því á þriðjudag
Dómur þyngdur um þrjú ár