Vill að borgarstjóri víki

Borgarstjóri veldur ekki starfi sínu að vera borgarstjóri í Reykjavík, það er kalt mat mitt, sagði Júlíus Vífill Ingvarsson, borgarfulltrúi Sjálfstæðisflokksins, á fundi borgarstjórnar nú í kvöld og taldi að Jón Gnarr ætti að víkja úr embætti sínu.

Heitar umræður hafa verið á fundinum og varð Hanna Birna Kristjánsdóttir, forseti borgarstjórnar, um tíma að biðja borgarfulltrúa að gæta orða sinna úr ræðustóli og virða fundarsköp.

Á fundinum er m.a. verið að ræða áform meirihlutans í borginni um að sameina leikskóla í borginni. Hægt er að hlusta á útsendingu á fundinum á vef Reykjavíkurborgar.

• 5 blogg um fréttina

Bloggað um fréttina

• Axel Jóhann Axelsson: Vík burt, Gnarr
• Magnús Ágústsson: Kalt mat
• Anna Sigríður Guðmundsdóttir: Júlíus Vifill er hrunverja-leppur.
• Haraldur Haraldsson: Vill að borgarstjóri víki/það viljum ábyggilega flest,ekki spurning!!!!
• Jakobína Ingunn Ólafsdóttir: Já, já og svo vill hann meiri völd og meir …