Maí verði aðlögunartími

Umhverfis- og samgöngusvið Reykjavíkurborgar segir að það sé til skoðunar Sorphirða Reykjavíkur gefi borgarbúum kost á að aðlagast 15 metra reglunni í maímánuði. Tíminn verði þá notaður til að leiðbeina íbúum sem enn hafa ekki brugðist við breytingunni.

Sem kunnugt er hafa borgaryfirvöld ákveðið að frá og með 1. maí nk. verði sorpílát við heimili eingöngu sótt 15 metra frá sorpbíl. Segir í tilkynningu að borgarbúar hafi búið sig undir þessa breytingu með því að kaupa viðbótarþjónustu og sækja um að færa sorpgerðin nær götu.

„Aðstæður eru misjafnar í borginni, bæði eftir hverfum og einstökum húsum. Sorphirða Reykjavíkur vinnur nú að reglum til að geta brugðist við og metið aðstæður hverju sinni, til dæmis er til skoðunar að starfsmenn sæki tunnur lengra en 15 metra á dögum þegar sem veður eru vond,“ segir í tilkynningu.

Þá segir að farið verði yfir reglurnar á næsta fundi umhverfis- og samgönguráðs þriðjudaginn 26. apríl.

Nokkrar athugasemdir hafi verið gerðar vegna þessa nýja fyrirkomulags m.a. frá Húseigendafélaginu. Unnið verði úr þessum athugasemdum í samráði við þessa aðila.

• 1 blogg um fréttina

Bloggað um fréttina

• Haraldur Haraldsson: Maí verði aðlögunartími/ þessari vitleysu á ekki að hlýða :als …