Framhald viðræðna á þriðjudag

Gylfi Arnbjörnsson, forseti Alþýðusambands Íslands, býst við að viðræður um kjarasamninga verði teknar upp að nýju strax á þriðjudag eftir páska.

Segir hann lítið hafa gerst í viðræðum undanfarna daga fyrir utan fund með viðsemjendum sambandsins á skírdag.

„Ég býst við að strax eftir páska muni menn þá einhenda sér í það að tryggja launahækkanir þessa árs,“ segir Gylfi í Morgunblaðinu í dag.