Samningar verði afturvirkir

Efling-stéttarfélag gerir þá kröfu til Samtaka atvinnulífsins að samningar á almennum markaði verði afturvirkir á sama hátt og Samtök atvinnulífsins hafa samþykkt í nýjum kjarasamningi SA og Elkem.

Ályktun þessa efnis var samþykkt á aðalfundi félagsins. Í ályktuninni segir að þar sem Samtök atvinnulífsins hafi með samningi við Elkem lagt til hliðar stefnu sína í sjávarútvegsmálum, beri þeim að ganga til samninga af fullri alvöru við félögin innan ASÍ strax eftir páskahátíðina.

Kjarasamningarnir sem SA gerði vegna starfsmanna sem vinna hjá Elkem á Grundartanga eru afturvirkir og gilda frá 1. janúar sl. Þetta gerir það að verkum að starfsmenn fá viðbótargreiðslu um næstu mánaðamót þegar sú hækkun sem í samningnum felast er gerð upp.

Búist er við að kjaraviðræður milli SA og landssambanda ASÍ hefjist að nýju á morgun, en það slitnaði upp úr viðræðum skömmu fyrir páska vegna ágreinings um sjávarútvegsmál.

• 6 blogg um fréttina

Bloggað um fréttina

• Hörður Jónasson: Burt með LÍÚ og vonum að við náum góðum samningum.
• Jóhann Elíasson: HVAÐA FÍFLAGANGUR ER ÞETTA EIGINLEGA - AÐ HAFA LÍÚ VIÐ …
• Gunnar Heiðarsson: Auðvitað !
• Jón Ingi Cæsarsson: L.Í.Ú. mafían sett til hliðar og Villi talsmaður þeirra líka.
• Haraldur Haraldsson: Samningar verði afturvirkir/það finnst manni auðvitða það eina rétta,en það …
• Guðni Karl Harðarson: Argandi garg! -