Ísland eins og það var 1995

Neyslumynstri almennings er farið að svipa til þess sem það var árið 1995 þegar mánaðamót voru tími kaupstaðaferða hjá launþegum. Þetta er mat Kristins Skúlasonar, framkvæmdastjóra Krónunnar, sem sér skýr merki um að almenningur fylgist grannt með verðþróun. Hann segir verðhækkanir á mat í kortunum.

Kristinn hefur fylgst með matvörumarkaðnum í áratugi og segir aðspurður að fólk kaupi nú inn minna en oftar í matinn. Þá hafi verðvitund neytenda styrkst. Góð viðbrögð við tilboðum séu skýr vísbending um að almenningur reyni að hámarka kaupgetu sína á tímum minnkandi kaupmáttar.  

„Það má segja að aftur sé kaupstaðastemning um mánaðamót, líkt og þekkt var í verslunum áður fyrr,“ segir Kristinn en hann greinir stöðuna svo að verð á eldsneyti, aðföngum og hráefnisvörum þurfi að lækka eigi að takast að afstýra frekari hækkunum á matvöruverðinu á næstu mánuðum.

Nánar er rætt við hann í Morgunblaðinu í dag, miðvikudag.

• 5 blogg um fréttina

Bloggað um fréttina

• Lísa Björk Ingólfsdóttir: Svolítið rangt - svolítið mikið rangt.
• Jakobína Ingunn Ólafsdóttir: Nei það er dálítið öðruvísi núna.
• Jóhann Elíasson: KREPPAN HEFUR FÆRT OKKUR AFTUR UM 16 ÁR..............................
• Jóna Kolbrún Garðarsdóttir: Sorglegt dæmi
• Guðrún María Óskarsdóttir.: Verðhækkanir á mat eru ALLTAF tilkomnar áður en blekið er …