Vísa ábyrgð á samgönguyfirvöld
Setja bókamerki
Bæjarstjórn Vestmannaeyja samþykkti ályktun á fundi í kvöld þar sem ábyrgð á núverandi ófremdarástandi í samgöngumálum eyjanna er alfarið vísað á samgönguyfirvöld.
Krefst bæjarstjórnin þess að tafarlaust verði allra leiða leitað til að tryggja að Landeyjahöfn veiti þá þjónustu sem henni sé ætlað.
Í ályktuninni er lýst þungum áhyggjum af stöðu mála í Landeyjahöfn. „Lokun hafnarinnar í vetur hefur valdið samfélaginu í Vestmannaeyjum og víðar á suðurlandi gríðarlegum búsifjum. Fjárhagslegt tjón samfélagsins nemur hundruðum milljóna og jafvel milljörðum. Öllum má ljóst vera að jafnvel þótt höfnin opnuð á næstu dögum þá hefur þar með eingöngu verið sett undir lekann. Verði ekki gripið til ráðstafna mun höfnin lokast á ný næsta haust," segir í ályktuninni.
Er krafist svara frá samgönguyfirvöldum um til hvaða úrræða verði gripið til að ljúka framkvæmdum við Landeyjahöfn þannig að frátafir á ársvísu verði ekki meiri en 5 til 10%. „Fyrr er Landeyjahöfn ekki fullbyggð."
Ók á hóp fólks á jólamarkaði: Einn látinn
Þetta eru ráðherrar ríkisstjórnarinnar
Ný ríkisstjórn kynnt á morgun
Beint: Ný ríkisstjórn tekin við völdum
„Mér finnst gamla Samfylkingin komin aftur“
„Tímabil aukinnar eldvirkni“
