Spáð snjókomu á fjallvegum

Nærri kyrrstætt úrkomusvæði liggur nú til norðurs eftir vestanverðu landinu að sögn veðurfræðings. Víða er slydda, en með kvöldinu kólnar heldur og nokkuð mun þá snjóa staðbundið.

Í tilkynningu frá Vegagerðinni segir að að það eigi við um Hellisheiði og Þrengsli, Lyngdalsheiði, ofantil í Borgarfirði, Bröttubrekku og Holtavörðuheiði. Sennilega einnig norður á Þröskulda og Steingrímsfjarðarheiði.

Þá segir að skörp hitaskil séu með þessum úrkomubakka og vestan í honum geti mögulega einnig gert krapasnjó á láglendi. Hlýnar síðar heldur og styttir upp að mestu í fyrramálið.

• 1 blogg um fréttina

Bloggað um fréttina

• Haraldur Haraldsson: Spáð snjókomu á fjallvegum/það er komin ein og hálf vika …