Vetrarfærð í borginni

Vetur konungur ríkir enn á höfuðborgarsvæðinu þar sem mikið hefur snjóað undanfarinn sólarhring. Hálka er á vegum og að sögn lögreglu voru nokkur umferðaróhöpp tilkynnt á næturvaktinni. Engan sakaði en eignatjón var nokkuð.

Alls var tilkynnt um sjö umferðaróhöpp á höfuðborgarsvæðinu í nótt. 

Segir lögregla að bifreið hafi bakkað á konu í Hafnarstræti í miðborg Reykjavíkur um tvöleytið í nótt. Konan féll aftur fyrir sig og slasaðist. Talið er að hún hafi axlarbrotnað. Að sögn lögreglu kom konan sér sjálf á slysadeild með leigubíl.

Þá var tilkynnt um þrjár líkamsárásir í miðborginni. Að sögn lögreglu var um minniháttar pústra að ræða.

Þá hafði lögreglan afskipti af tveimur ökumönnum sem óku undir áhrifum áfengis.

Snjóruðningstæki á ferðinni í nótt. mbl.is/Fylkisson

• 1 blogg um fréttina

Bloggað um fréttina

• Gísli Foster Hjartarson: Bara einu sinni!