Kraftalegir kaggar á rúntinn

Félagar í Kvartmíluklúbbnum söfnuðust saman á bílum sínum í Nauthólsvíkinni í dag. Tilefnið var fyrsti rúntur sumarsins á svonefndum „muscle car“ en það eru amerískir bílar með V8 vélar.

Sigurjón Andersen varð fyrir svörum hjá þeim kvartmílumönnum. Hann sagði að klúbburinn eigi sér orðið 36 ára sögu. Slatti af bílum var kominn og von á fleirum áður en farið yrði á rúntinn.

„Þetta er gamlir, uppgerðir, flottir amerískir bílar,“ sagði Sigurjón. „Við ætlum að gera þetta nokkrum sinnum í sumar. Þegar er gott veður þá hóum við mönnum saman í gegnum heimasíðuna okkar og hittumst hér í Nauthólsvík.“

Fyrsta kvartmílukeppni sumarsins verður eftir þrjár vikur á kvartmílubrautinni í Kapelluhrauni. 

• 1 blogg um fréttina

Bloggað um fréttina

• Ómar Ragnarsson: Risaeðlur bílanna.