Fundu stórfé á víðavangi

Hjón á áttræðisaldri höfðu samband við lögregluna á höfuðborgarsvæðinu í morgun og sögðust hafa fundið umslag á útivistarsvæði í borginni. Í því voru nokkur hundruð þúsund krónur í peningum.

Auk peninganna var kvittun með nafni eigandans í umslaginu. Lögreglan segir, að peningarnir hafi verið sóttir til heiðurshjónanna og þaðan farið með þá á lögreglustöð.

Síðan var haft samband við eigandann, mann á miðjum aldri, og kom hann á lögreglustöð í framhaldinu. Hann var að vonum þakklátur og skildi eftir fundarlaun sem lögreglan færði hjónunum.

• 2 blogg um fréttina

Bloggað um fréttina

• Sigurður Haraldsson: Glæsilegt.
• Hörður Halldórsson: Réttlát fólk til,þó annað heyrist.