Gagnrýnir fréttaflutning RÚV

„Hvað er eiginlega að gerast á ríkisfjölmiðlinum – þessum sem á að vera flaggskip íslenskrar fréttamennsku og fjölmiðlunar almennt?“ Svona spyr Ólína Þorvarðardóttir, þingmaður Samfylkingar, á vefsvæði sínu og gagnrýnir um leið fréttaflutning RÚV af kvótafrumvarpinu svonefnda.

Ólína greinir frá því að þrjár fréttir hafi verið fluttar af frumvarpinu á RÚV í gærkvöldi og allar hafi þær verið á eina lund. „Rætt var eingöngu við andstæðinga kvótafrumvarpsins án nokkurs mótvægis úr hinni áttinni.“

Í pistli sínum spyr hún hvað hafi orðið um hlutleysið og óhlutdrægnina „sem krafa er gerð um í framsækinni fréttamennsku víðast hvar og kveðið er á um í lögum.“

Hún vísar í kjölfarið til ákvæða laga um RÚV en þar segir: „Útvarpsstöðvar skulu í öllu starfi sínu halda í heiðri lýðræðislegar grundvallarreglur. Þeim ber að virða tjáningarfrelsi og stuðla að því að fram komi í dagskrá rök fyrir mismunandi skoðunum í umdeildum málum …“ 

Pistill Ólínu

• 5 blogg um fréttina

Bloggað um fréttina

• Jón Ingi Cæsarsson: Fá fréttamenn RÚV línuna að ofan ?
• Óðinn Þórisson: Ekki rétt fréttamennska
• Ívar Andersen: Velkomin í hóp hins þögla meirihluta sem óánægðir eru með …
• P.Valdimar Guðjónsson: Hvað með ESB umfjöllun?
• Gunnar Heiðarsson: Ólínu brugðið !