Svartur svanur í Kjósinni

Hann stakk í stúf við snjóhvíta ferðafélaga sína, svarti svanurinn sem spókaði sig á túni í Kjósinni í gær.

Svartsvanir eru þó ekki eins sjaldséðir hérlendis og margir halda, segir Jóhann Óli Hilmarsson fuglafræðingur. Þeir flækist hingað árlega frá Bretlandseyjum í slagtogi með íslensku álftinni, ýmist einir eða í pörum.

Tegundina segir Jóhann upprunna í Ástralíu en hún hafi borist til Evrópu þegar breskir og hollenskir nýlenduherrar kepptust við að safna skrautlegum og framandi fuglum til að skreyta tjarnir sínar og garða.
 

• 1 blogg um fréttina

Bloggað um fréttina

• Óskar Guðmundsson: Svartir.