Já segir upp starfsmönnum

Starfsfólki fyrirtækisins Já verður fækkað um 6–8 á næstunni og  þjónustuveri Já á Akureyri verður lokað. Fyrirtækið segir, að á móti verði þjónustuver fyrirtækisins í Reykjanesbæ og Reykjavík efld.

Aðgerðirnar  koma til framkvæmda í haust. Nú starfa um 120 manns hjá fyrirtækinu, sem annast rekstur 118, vefsvæðisins já.is og sér um útgáfu Símaskrárinnar.

Alls starfa nú nítján fastráðnir starfsmenn hjá þjónustuverinu á Akureyri í 18,5 stöðugildum. Hluta þess starfsfólks verður boðin vinna hjá þjónustuverum Já í Reykjavík og Reykjanesbæ.

Sigríður Margrét Oddsdóttir, forstjóri Já, segir í tilkynningu að fyrirtækið neyðist til að taka erfiðar ákvarðanir. Það sé á ábyrgð stjórnendanna að tryggja hag allra starfsmanna og viðskiptavina Já til framtíðar með góðum rekstri. Með þessum aðgerðum eru þeir að sinna þeirri skyldu.

• 3 blogg um fréttina

Bloggað um fréttina

• Ómar Bjarki Smárason: 118
• Pálmi Hamilton Lord: Hægan aðeins .... Já
• Jón Ingi Cæsarsson: Landsbyggðar - fjandsamlegt fyrirtæki.