Mikil snjókoma hefur verið á Austurlandi í dag. Nánast er ófært innanbæjar á Egilsstöðum og á milli staða á svæðinu.
Að sögn Vegagerðarinnar er óveður á Fjarðarheiði og þar er ófært eins og á Vatnsskarði eystra og Mjóafjarðarheiði. Hálka og skafrenningur eru á Fagradal, Hálkublettir á Oddsskarði, Breiðdalsheiði og á Öxi.
Þá er óveður milli Hafnar og Djúpavogs og mikið sandfok sem hefur skemmt bíla.