Krafturinn minni en í gær

Kraftur í gosinu í Grímsvötnum er nokkuð minni en í gær og hefur haldist nokkuð stöðugur í nótt. Nær gosmökkurinn nú  um 10 kílómetra hæð, samkvæmt upplýsingum frá Veðurstofu Íslands.

Askan hefur verið að berast í suður og suðvestur og hefur verið öskufall mjög víða á Suðurlandi. Ákveðið hefur verið að loka veginum frá Vík í Mýrdal að Freysnesi. Skyggni á svæðinu er mjög slæmt eða um 4 metrar.

Vindur er nú að snúast í hánorðanátt og er gert ráð fyrir að öskufall verði aðallega sunnan Vatnajökuls næsta sólarhringinn.

Öskumistur var í Reykjavík í nótt og lítilsháttar öskufall en von á því að loftið í höfuðborginni muni hreinsast af öskunni í dag.

• 1 blogg um fréttina

Bloggað um fréttina

• S i g u r ð u r S i g u r ð a r s o n: Askan á vefmyndavélunum.