Svalbarðaflug gæti stöðvast

Norsk flugmálayfirvöld segja, að gera megi ráð fyrir því að öskuský frá Grímsvötnum hafi áhrif á flug til og frá Svalbarða þegar líður á daginn og hugsanlega muni það stöðvast alveg í kvöld.

Stofnunin Avinor segir, að öskuskýið muni síðdegis koma inn í norskt loftrými milli Svalbarða og norska meginlandsins. Miðað við spár gæti flug til og frá Svalbarða stöðvast.  Ekki er hins vegar gert ráð fyrir að truflanir verði á öðru flugi til og frá Noregi nema frá Íslandi þar sem flugvellir eru lokaðir. 

Dönsk flugmálayfirvöld segja, að ekki sé búist við truflunum á flugumferð þar í dag, að öðru leyti en því að flugtími til Bandaríkjanna lengist vegna þess að flugvélar þurfi að fara sunnar en venjulega til að sneiða hjá öskuskýinu frá Grímsvötnum.   

• Blogga um frétt