Félagsmenn Rafiðnaðarsambands Íslands samþykktu kjarasamninga sem sambandið gerði við Samtök atvinnulífsins. 77% sögðu já og 21% sögðu nei.
Á kjörskrá voru 2.267, en atkvæði greiddu 598 eða 26,38%. Atkvæði féllu þannig: Já sögðu
460
eða
76,92%
Nei sögðu
127
eða
21,24%
Auðir og ógildir voru
11
eða
1,84%
Samningurinn telst því samþykktur.
Þetta þýðir að þeir sem eru á almenna samningnum fá þær launahækkanir sem hann kveður á um þ.e.a.s. lægstu taxtarnir hækka um 12.000 kr. og almenn hækkun er 4,25%. Þessar hækkanir gilda frá 1. júní 2011. Þeir sem voru í fullu starfi í mars til maí fá eingreiðslu að upphæð 50.000 kr greidda núna 1. júní 2011, starfsmenn sem létu af störfum í apríl eða eru í hlutastarfi fá hlutfallslega greiðslu miðað við starfstíma í mars og apríl. Starfsmenn sem hófu störf í apríl og verða í starfi til 5. maí fá hlutfallslega greiðslu miðað við starfstíma í apríl og maí.
Félagar í MATVÍS samþykktur líka samningana með miklum meirihluta atkvæða. Á kjörskrá voru 1.155. Greidd atkvæði voru 216 eða 18.70%. Já sögðu 189 eða 87.5%. Nei sögðu 27 eða 12,5%.