Flugu yfir gosið í gærkvöldi

Jarðvísindastofnun flaug yfir gosstöðvarnar í gærkvöldi. Að sögn Björns Oddssonar, jarðfræðings, var gosmökkurinn hvítur þegar að var komið og nokkuð sakleysislegur en á skammri stundu urðu kröftugar sprengingar í gígnum, gossúlan gildnaði og gosökkurinn reis upp ríkur af gjósku. Eftir þetta lækkaði hann aftur en eftir nokkra stund hófust sprengingar á ný.

Björn segir gosvirknina  miklu minni núna en fyrstu sólarhringana og ekki er lengur  samfelldur gosmökkur heldur er sprengivirknin í hviðum.  Ofan í gígnum sjálfum er nokkuð vatn en í því miðju til norðurs voru tveir samhliða smágígar þar sem gufa og sprengingar risu úr.
 
Gjóskuframleiðsla er óveruleg og er að mestu um að ræða gjóskufok á sunnanverðum jöklinum.

mbl.is/Björn Oddsson

• 1 blogg um fréttina

Bloggað um fréttina

• S i g u r ð u r S i g u r ð a r s o n: Er hlaupið komið hálfa leið undir jökli?